EXPOSICIÓN DE CONTOS SOBRE A CHARCA

Por fín a exposición de contos sobre a CHARCA chegou a Infantil!!!!!. No noso edificio xa contamos con diversos contos como o do Parruliño Feo en diversas versións e libros de consulta sobre o os animais da charca, as árbores... onde podemos investigar todo o que precisemos saber para mantela limpa e coidada, así como os seres vivos que nela habitan.

 
Para os máis despistados ou para os novos, recordarvos que participamos no proxecto Voz Natura coa nosa charca, que inauguramos o curso pasado e á que chamamos "Wangari Maathai" en honor da activista keniata, a muller árbore, que tentou repoboar África e no 2004 foi premio nobel da Paz.

Grazas a todo o alumnado por participar nesta proposta buscando e prestando os libros para que todos poidamos desfrutar dos mesmos.